اہم نکات:
- رضا آباد پولیس نے دو خواتین منشیات فروش گرفتار کر لیں اور ان سے 2 کلو 800 گرام چرس برآمد ہوئی۔
- ایف آئی آر کے مطابق ہر خاتون سے 1400 گرام چرس کا پیکٹ ملا اور تسلیم اختر سے 6 ہزار روپے کی رقمِ بکری بھی برآمد ہوئی۔
- مقدمہ انسدادِ منشیات ایکٹ 1997 کی دفعہ 9-(1)3c کے تحت درج کر لیا گیا ہے۔
رضا آباد پولیس نے دو خواتین کو گرفتار کر کے 2 کلو 800 گرام چرس برآمد کر لی۔
پولیس کے ترجمان نے بتایا کہ ایس ایچ او رضا آباد محمد سفیان نے منشیات فروشی میں ملوث خواتین کے خلاف کارروائی کرتے ہوئے ارم نصیر اور تسلیم اختر کو گرفتار کر لیا۔
ایف آئی آر کے مطابق مقدمہ تھانہ رضا آباد کے اے ایس آئی عابد حسین کی تحریری استغاثے پر درج کیا گیا۔
ایف آئی آر میں درج ہے کہ پولیس ٹیم گشت پر تھی کہ رات تقریباً دو بجے مخبر نے اطلاع دی کہ دو خواتین محمد والا روڈ پر تھانے سے تقریباً دو کلومیٹر جنوب میں قبرستان کے قریب گاہکوں کو منشیات فروخت کرنے آئی ہیں۔
استغاثے کے مطابق لیڈی کانسٹیبل نے دونوں خواتین کی جامہ تلاشی لی تو ہر ایک سے چرس کا ایک پیکٹ ملا، جس کا الیکٹرک کانٹے پر وزن 1400 گرام نکلا۔
ایف آئی آر میں مزید درج ہے کہ تسلیم اختر سے ایک ہزار روپے والے چھ نوٹ، کل 6 ہزار روپے رقمِ بکری بھی ملی، جبکہ کیمیائی تجزیے کے لیے ہر پیکٹ سے 70 گرام نمونہ الگ کیا گیا۔
مقدمہ تھانہ رضا آباد میں ایف آئی آر نمبر 1280/26 کے تحت انسدادِ منشیات ایکٹ 1997 کی دفعہ 9-(1)3c میں درج کیا گیا ہے۔
ترجمان کے مطابق سی پی او فیصل آباد کا کہنا ہے کہ نوجوان نسل کے مستقبل سے کھیلنے والے منشیات فروش کسی رعایت کے مستحق نہیں۔
Author Profile
Latest Entries
جرائمنومبر 8, 2026دوسرے کا مکان بیچ کر 40 لاکھ روپے لینے والا ملزم گرفتار- جرائمنومبر 8, 2026تاندلیانوالہ: گھر سے 25 لاکھ کا مال لوٹنے والا تین رکنی ڈکیت گروہ گرفتار
- جرائمنومبر 8, 2026فیصل آباد: مکان کے تنازع پر بھابھی اور بچوں کو مارنے والا دیور گرفتار
- جرائمنومبر 8, 2026فیصل آباد: بازار میں بیوی کو مارنے والا شوہر گرفتار
