فیصل آباد: سموگ کے خلاف کارروائیاں تیز کرنے کا حکم

اہم نکات:

شہر بھر کے کھلے مین ہولز کی نشاندہی کر کے انھیں فوری ڈھانپا جائے گا۔
انسداد سموگ کارروائیوں میں تیزی لائی جائے گی اور آلودگی پھیلانے والوں کے خلاف مؤثر ایکشن ہوگا۔
ستھرا پنجاب پروگرام کے تحت صفائی، عملے کی حاضری اور مشینری کے استعمال کا بھی جائزہ لیا گیا۔

فیصل آباد: ڈپٹی کمشنر نے شہر کے کھلے مین ہولز فوری ڈھانپنے کی ہدایت کر دی۔

سرکاری ہینڈ آؤٹ کے مطابق، ڈپٹی کمشنر محمد نعمان صدیق کی زیر صدارت اعلیٰ سطحی اجلاس ہوا۔ اجلاس میں سموگ کے تدارک، مین ہولز ڈھانپنے اور ستھرا پنجاب پروگرام کی کارکردگی کا جائزہ لیا گیا۔

ڈپٹی کمشنر نے سموگ کے اسباب کے تدارک کے لیے جاری اقدامات کا جائزہ لیا۔

انھوں نے متعلقہ محکموں کو انسداد سموگ کارروائیوں میں مزید تیزی لانے اور ماحولیاتی آلودگی کا باعث بننے والے عناصر کے خلاف مؤثر اور نتیجہ خیز ایکشن جاری رکھنے کی تاکید کی۔

ڈپٹی کمشنر نے شہر بھر میں کھلے مین ہولز کی نشاندہی اور انھیں فوری کور کرنے پر زور دیا۔ اس اقدام سے شہری حادثات سے محفوظ رہیں گے۔