اچھی کارکردگی پر شاباش، سستی پر وزیراعلیٰ برہم

اہم نکات:

وزیراعلیٰ کی زیر صدارت ڈپٹی کمشنروں کی کارکردگی کا جائزہ اجلاس
آٹھ اضلاع کو بہترین کارکردگی پر شاباش، دیگر کو وارننگ
ہسپتالوں کی حالت بہتر بنانے کے لیے تین دن کی مہلت، روزانہ دوروں کا حکم
فصلوں کی باقیات جلانے پر مکمل کنٹرول کا حکم
پنجاب کو تجاوزات سے پاک کرنے اور کھلے پلاٹوں پر کوڑا پھینکنے والوں کے خلاف مقدمات کا حکم

لاہور: وزیراعلیٰ مریم نواز شریف نے تمام ڈپٹی کمشنروں کو ہسپتالوں کی حالت بہتر بنانے کے لیے تین دن کی مہلت دے دی۔ جائزہ اجلاس میں آٹھ اضلاع کے ڈپٹی کمشنروں کو بہترین کارکردگی پر شاباش دی گئی۔ دیگر اضلاع کو فصلوں کی باقیات جلانے اور تزئین و آرائش کا کام نامکمل رہنے پر وارننگ دی گئی۔

پنجاب پرفارمنس مینجمنٹ یونٹ کے سربراہ اور معاون خصوصی شعیب مرزا نے اجلاس میں ہر ضلع کی کے پی آئی رپورٹ پیش کی۔

وزیراعلیٰ نے مری، گوجرانوالہ، اٹک، بہاولپور، چکوال، جہلم، لیہ اور ساہیوال کے ڈپٹی کمشنروں کو بہترین کارکردگی پر شاباش دی۔

وزیراعلیٰ مریم نواز شریف ڈپٹی کمشنروں کے جائزہ اجلاس کی صدارت کر رہی ہیں

لاہور میں ڈپٹی کمشنروں کی کارکردگی کے جائزہ اجلاس میں شریک افسران

ڈپٹی کمشنر ویڈیو لنک کے ذریعے جائزہ اجلاس میں شریک ہیں

وزیراعلیٰ نے تمام ڈپٹی کمشنروں کو ہسپتالوں کی حالت بہتر بنانے کے لیے تین دن کی مہلت دی۔ ڈپٹی کمشنروں اور اسسٹنٹ کمشنروں کو روزانہ ہسپتالوں کے دورے کرنے کی ہدایت کی گئی۔

وزیراعلیٰ نے فصلوں کی باقیات جلانے پر سو فیصد کنٹرول کا حکم دیا۔ اوکاڑہ اور دیگر اضلاع کے ڈپٹی کمشنروں کو واقعات پر قابو نہ پانے پر وارننگ جاری کی گئی۔

وزیراعلیٰ نے بعض اضلاع میں بیوٹیفکیشن منصوبوں کی تکمیل اور معیار میں تساہل پر برہمی کا اظہار کیا۔ ہر سکیم میں پائیداری اور معیار پر خصوصی توجہ دینے اور فواروں سمیت دیگر واٹر فیچرز شامل کرنے کی ہدایت کی گئی۔

اجلاس میں گورننس اور سڑکوں کی دیکھ بھال کے لیے خصوصی سکواڈ قائم کرنے کا حکم دیا گیا۔ سکواڈ بارہ گھنٹے معائنہ کریں گے اور مسائل کے حل کے لیے فوری اقدامات کریں گے۔

وزیراعلیٰ نے سٹریٹ لائٹس سو فیصد فنکشنل اور مین ہول سو فیصد ڈھکے رکھنے کا حکم دیا۔ زیبرا کراسنگ اور سکول سیفٹی کے لیے بھی ضروری اقدامات کی ہدایت کی گئی۔

اسسٹنٹ کمشنروں کو واٹر فلٹریشن پلانٹ ٹھیک کروانے کے لیے فوری اقدامات کا حکم دیا گیا۔ جنرل بس ٹرمینلز اور گرین بس شیڈز کی تعمیر و مرمت اور صفائی یقینی بنانے کی ہدایت بھی کی گئی۔

وزیراعلیٰ کا کہنا تھا کہ «ڈپٹی کمشنروں اور انتظامیہ کی لاپرواہی سے میری ساکھ پر حرف آتا ہے»۔ وزیراعلیٰ نے کہا کہ لین مارکنگ، عمارتوں پر پینٹ اور صاف ستھری سڑک دیکھ کر اچھے شہر کا تاثر ابھرتا ہے۔

ڈپٹی کمشنروں اور انتظامیہ کی لاپرواہی سے میری ساکھ پر حرف آتا ہے۔

کھلے پلاٹ پر کوڑا کرکٹ ڈالنے پر مالکان کو پہلے وارننگ دی جائے گی اور پھر بھاری جرمانہ ہوگا۔ تیسرے مرحلے میں ان کے خلاف ایف آئی آر درج کی جائے گی۔

وزیراعلیٰ نے پنجاب کو تجاوزات سے پاک بنانے کا حکم دیتے ہوئے مشترکہ آپریشن کی ہدایت کی۔ وال چاکنگ، کٹے پھٹے بینر اور چھوٹے اشتہارات بھی دیواروں سے اتارنے کی ہدایت کی گئی۔

وزیراعلیٰ نے ہسپتالوں کی ڈیپ کلیننگ اور سڑکوں کی دھلائی روزانہ کرانے کا حکم دیا۔ صوبہ بھر میں آوارہ کتوں پر قابو پانے کی ہدایت بھی کی گئی۔

ڈپٹی کمشنروں کو ہدایت کی گئی کہ وہ یونیورسٹیوں اور کالجوں میں جا کر طلبہ کو ترقیاتی منصوبوں اور سکیموں کے بارے میں بتائیں۔ ہر ڈپٹی کمشنر اپنے ضلع کی معاشی ترقی کے لیے ڈسٹرکٹ اکنامک پلان تیار کرے گا۔

اجلاس میں خانیوال، شیخوپورہ، گوجرانوالہ، ننکانہ صاحب، راولپنڈی، گجرات اور رحیم یار خان کے بیوٹیفکیشن منصوبوں کا جائزہ لیا گیا۔ گوجرانوالہ کے ڈپٹی کمشنر کو شاندار بیوٹیفکیشن منصوبے پر شاباش دی گئی۔

ننکانہ صاحب میں چار بیوٹیفکیشن منصوبے نومبر تک مکمل کرنے کی ہدایت کی گئی۔ راولپنڈی کے ڈپٹی کمشنر کو گرین بیلٹس پر توجہ دینے کی ہدایت کی گئی۔

رحیم یار خان میں بیوٹیفکیشن منصوبے کی سکیمیں اصل منصوبے سے مختلف ہونے پر وزیراعلیٰ نے ناپسندیدگی کا اظہار کیا۔ گجرات کے ڈپٹی کمشنر کو منصوبے میں نئی سکیمیں شامل کرنے کی ہدایت کی گئی۔

وزیراعلیٰ نے فوڈ سٹریٹ اور فوڈ کارٹ بہتر افراد اور کمپنیوں کو دینے کی ہدایت کی۔

اجلاس میں ای بز، کتے کے کاٹنے کے واقعات، ستھرا پنجاب، ہسپتالوں اور سکولوں کا بھی جائزہ لیا گیا۔

پرائس کنٹرول، سڑک اور سٹریٹ سیفٹی اور عوامی سہولتوں پر رپورٹیں بھی پیش کی گئیں۔ ترقیاتی نگرانی، ضابطہ و نفاذ، اربن آرڈر، کلین اینڈ گرین پنجاب، عوامی مقامات اور شہری خدمات کا بھی جائزہ لیا گیا۔