لاہور: کرپٹ افسران کی پولیس میں کوئی جگہ نہیں، آئی جی پنجاب

اہم نکات:

آئی جی پنجاب عبدالکریم کی زیر صدارت کرائم کنٹرول بارے دوسرا فالو اپ اجلاس منعقد
تمام ریجنز اور اضلاع کی ہفتہ وار کارکردگی کا جائزہ لیا گیا
پنجاب بھر میں سنگین جرائم میں کمی کا رجحان اس ہفتے بھی برقرار
کرائم ہاٹ سپاٹس کے مطابق فوری ایکشن لیا جا رہا ہے
اختیارات سے تجاوز اور کرپشن پر کڑا احتساب جاری رہے گا

لاہور: پنجاب بھر میں سنگین جرائم میں کمی کا رجحان اس ہفتے بھی برقرار رہا، جبکہ کرائم کنٹرول کے دوسرے فالو اپ اجلاس میں ہفتہ وار کارکردگی کا جائزہ لیا گیا۔

ترجمان پنجاب پولیس کے مطابق، آئی جی پنجاب نے دو ہفتے قبل وزیر اعلی مریم نواز شریف کی زیر صدارت اجلاس میں دی گئی ہدایات کے تسلسل میں یہ ہفتہ وار جائزہ لیا۔

بریفنگ کے مطابق، قتل، ڈکیتی، گاڑی چوری اور راہزنی سمیت سنگین وارداتوں میں کمی کا رجحان مزید بہتری کی جانب گامزن ہے۔

آئی جی پنجاب نے کہا کہ سنگین جرائم کے خاتمے کے لیے کرائم ہاٹ سپاٹس کے مطابق فوری ایکشن لیا جا رہا ہے۔

ان کا کہنا تھا کہ ڈکیتی، رابری، مرڈر، بچوں اور خواتین سے زیادتی اور آرگنائزڈ کرائم کی سرکوبی پر خصوصی توجہ جاری ہے۔

ہیڈ کانسٹیبل سے ڈی ایس پی تک سب اہلکار کلاس میں

آئی جی پنجاب عبدالکریم نے بتایا کہ وزیر اعلی پنجاب کی ہدایت پر جرائم کی صورتحال کا ہفتہ وار باقاعدگی سے جائزہ لیا جا رہا ہے۔

انھوں نے کہا کہ پنجاب پولیس میں احتساب کا عمل کسی بھی دوسرے ادارے سے زیادہ سخت اور مؤثر ہے۔

بیان کے مطابق، اختیارات سے تجاوز، ضابطہ اخلاق کی خلاف ورزی اور کرپشن پر ذمہ داران کا کڑا احتساب جاری رہے گا۔

آئی جی پنجاب نے کہا: "بدعنوانی سمیت غیر قانونی سرگرمیوں میں ملوث پولیس افسران و اہلکاروں کی محکمہ پولیس میں کوئی جگہ نہیں۔”

بدعنوانی سمیت غیر قانونی سرگرمیوں میں ملوث پولیس افسران و اہلکاروں کی محکمہ پولیس میں کوئی جگہ نہیں

پولیس ایگزیکٹو بورڈ: منصوبے وقت پر مکمل کرنے کا حکم

اجلاس میں ایڈیشنل آئی جی لاجسٹکس اینڈ پروکیورمنٹ، ایڈیشنل آئی جی انوسٹی گیشن، ایڈیشنل آئی جی آپریشنز، اے آئی جی آپریشنز، اے آئی جی کوآرڈینیشن اور اے آئی جی مانیٹرنگ نے شرکت کی۔

سی سی پی او لاہور، تمام آر پی اوز، سی پی اوز، ڈی پی اوز، ڈی آئی جی آپریشنز لاہور اور ڈی آئی جی انوسٹی گیشن لاہور سمیت متعلقہ افسران نے ویڈیو لنک کے ذریعے شرکت کی۔