اہم نکات:
- آئی جی پنجاب کا خدمت مراکز کی سہولتوں کا دائرہ کار اور معیار مزید بہتر بنانے کا حکم
- پنجاب بھر کے 256 خدمت مراکز شہریوں کو 16 ڈیجیٹل سہولتیں فراہم کر رہے ہیں
- خدمت مرکز گلوبل کے ذریعے 42 ممالک میں سفارت خانوں اور قونصل خانوں سے پاکستانیوں کو خدمات میسر ہیں
- ایک لاکھ 22 ہزار سے زائد اوورسیز پاکستانی اب تک خدمت مرکز گلوبل سے سہولتیں حاصل کر چکے ہیں
لاہور: آئی جی پنجاب عبدالکریم نے پولیس خدمت مراکز کی سہولتیں مزید بہتر بنانے کا حکم دیا ہے۔
ڈی آئی جی آئی ٹی ڈاکٹر شہزاد آصف نے اجلاس کو بریفنگ دیتے ہوئے بتایا کہ پنجاب بھر میں 256 خدمت مراکز شہریوں کو 16 ڈیجیٹل سہولتیں فراہم کر رہے ہیں۔
بریفنگ میں بتایا گیا کہ خدمت مرکز گلوبل کے ذریعے 42 ممالک میں سفارت خانوں اور قونصل خانوں کے ذریعے پاکستانیوں کو خدمات فراہم کی جا رہی ہیں۔
بریفنگ کے مطابق خدمت مرکز گلوبل کے ذریعے اب تک ایک لاکھ 22 ہزار سے زائد اوورسیز پاکستانیوں کو سہولتیں فراہم کی جا چکی ہیں۔
ترجمان پنجاب پولیس کے مطابق اوورسیز پاکستانیوں کو کریکٹر سرٹیفکیٹ اور نیشنل اسٹیٹس ویری فکیشن سمیت متعدد سہولتیں فراہم کی جا رہی ہیں۔
ہینڈ آؤٹ میں بتایا گیا کہ شہری پنجاب پولیس پبلک ایپ کے ذریعے گھر بیٹھے بھی خدمت مراکز کی تمام سہولتیں حاصل کر سکتے ہیں۔
بریفنگ میں مزید بتایا گیا کہ خدمت مراکز کے نظام میں ایس ایم ایس، واٹس ایپ اور نادرا ویری فکیشن سروسز سے بھی استفادہ کیا جا رہا ہے۔
ہینڈ آؤٹ کے مطابق اجلاس میں ایڈیشنل آئی جی ویلفیئر اینڈ فنانس، ایڈیشنل آئی جی لاجسٹکس اینڈ پروکیورمنٹ، ایڈیشنل آئی جی آپریشنز، ڈی آئی جی ویلفیئر اینڈ فنانس اور ڈی آئی جی آئی ٹی سمیت دیگر افسران نے شرکت کی۔
Author Profile
Latest Entries
پاکستاننومبر 8, 2026ٹوبہ ٹیک سنگھ: گرجا گھروں کے باہر ناکے، ہر آنے والے کی مکمل چیکنگ- فیصل آبادنومبر 8, 2026فیصل آباد: ٹاول فیکٹری کے سلائی یونٹ میں آگ، ریسکیو 1122 نے قابو پا لیا
- پاکستاننومبر 8, 2026لاہور: پولیس خدمت مراکز کی سہولتیں مزید بہتر بنانے کا حکم
- پیشن گوئینومبر 8, 2026فیصل آباد کا انڈیکس دوپہر 12 بجے 211، فضا بہت مضر صحت
