اہم نکات:
- گلابی سنڈی سردیوں میں کپاس کی باقیات اور جننگ ویسٹ میں چھپ کر زندہ رہتی ہے۔
- کپاس کی چھڑیاں کھیتوں سے دور، کھلی دھوپ میں سیدھی کھڑی کر کے رکھیں اور ہر ماہ الٹ پلٹ کریں۔
- اگلی کاشت سے پہلے جننگ اور آئل فیکٹریوں کا کچرا ہفتہ وار تلف کریں۔
- جڑی بوٹیاں کپاس کی پیداوار 30 سے 40 فیصد تک گھٹا دیتی ہیں اور کیڑوں کو پناہ دیتی ہیں۔
سردیوں میں کپاس کی باقیات میں چھپی گلابی سنڈی اگلی فصل کے لیے خطرہ بن جاتی ہے۔
محکمہ زراعت کی زرعی فیچر سروس کے مطابق فصل کے اختتام کے بعد آف سیزن مینجمنٹ اگلی فصل کو نقصان دہ کیڑوں سے محفوظ رکھتی ہے۔
کپاس پاکستان کی اہم ترین نقدآور فصل ہے۔ ملک کی برآمدات کا بڑا حصہ کپاس اور اس سے بنی مصنوعات سے حاصل ہوتا ہے۔
پنجاب ملکی پیداوار کا تقریباً 60 فیصد کپاس پیدا کرتا ہے۔
گلابی سنڈی کپاس کا انتہائی نقصان دہ کیڑا ہے۔ فصل کے بعد یہ اپنی زندگی کا دورانیہ کپاس کی باقیات پر مکمل کرتی ہے۔
سرمائی نیند سوئی سنڈیوں کی تلفی اس کے انسداد کا موثر طریقہ ہے۔
کئی علاقوں میں کپاس کی چھڑیاں ایندھن کے طور پر استعمال ہوتی ہیں۔ ایسی صورت میں چھڑیوں کو کھیتوں سے دور، کھلے آسمان کے نیچے سیدھی کھڑی کر کے رکھنا چاہیے۔
اس کا مقصد ان کھلے ٹینڈوں تک سورج کی روشنی اور حرارت پہنچانا ہے۔ گرمی سے سرمائی نیند سوئی سنڈی جلد جاگ کر بالغ ہو جاتی ہے اور خوراک نہ ہونے کی وجہ سے خود ہی مر جاتی ہے۔
چھڑیاں زیادہ عرصہ رکھنی ہوں تو ان کی چھوٹی ڈھیریاں ترچھی رکھیں اور ایک ماہ کے وقفے سے الٹ پلٹ کرتے رہیں۔
کاشت سے پہلے جننگ ویسٹ ختم کر دینا چاہیے۔ اسے موثر طریقے سے تلف کرنے سے اگلی فصل سفید مکھی اور گلابی سنڈی کے حملے سے محفوظ رہتی ہے۔
جڑی بوٹیاں کپاس کی پیداوار میں 30 سے 40 فیصد تک کمی کا باعث بنتی ہیں۔
گلابی سنڈی اپنی سرمائی نیند کپاس کے دو بیجوں کو جوڑ کر گزارتی ہے۔ جننگ کے دوران متاثرہ ان کھلے ٹینڈوں یعنی سانگلی میں سے سنڈیاں کچرے اور جننگ ویسٹ میں شامل ہو جاتی ہیں۔
یہ کچرا گلابی سنڈی کے پھیلاؤ کا بڑا ذریعہ ہے۔ سنڈیاں اکثر کچرے میں ہی اپنا دور مکمل کر کے پروانہ بن جاتی ہیں اور نسل جاری رکھتی ہیں۔
اس لیے جننگ اور آئل فیکٹریوں کا کچرا کم از کم ہفتہ وار تلف کرنا چاہیے۔
ٹیکسٹائل برآمدات بڑھیں، مشینری کی درآمد 37 فیصد گر گئیجننگ فیکٹری مالکان کو گھروں اور فیکٹریوں میں گلابی سنڈی کی روک تھام کے لیے جنسی اور روشنی کے پھندے استعمال کرنے چاہییں۔ جنسی پھندوں سے نر پروانہ پھنس جاتا ہے۔
اس طرح نر اور مادہ کا ملاپ نہیں ہوتا اور گلابی سنڈی کی نسل رک جاتی ہے۔
آف سیزن مینجمنٹ کی آخری اور اہم کڑی میزبان خوراکی پودوں اور جڑی بوٹیوں کا خاتمہ ہے۔ جڑی بوٹیاں کپاس کی پیداوار میں 30 سے 40 فیصد تک کمی کا باعث بنتی ہیں۔
جڑی بوٹیاں فصل کے ساتھ پانی، خوراک، روشنی اور جگہ میں حصہ دار ہوتی ہیں اور نقصان دہ کیڑوں کو بھی پناہ دیتی ہیں۔
پیازی، جنگلی پالک، جنگلی دھودک اور ہزار دانی جیسی جڑی بوٹیاں کپاس کی ملی بگ کے پھیلاؤ کا سبب بھی بنتی ہیں۔ ایسی جڑی بوٹیاں اور میزبان پودے کھیتوں، کھالوں اور وٹوں سے ضرور تلف کریں۔
آف سیزن مینجمنٹ پر عملدرآمد سے اگلی فصل کی فی ایکڑ پیداوار میں خاطر خواہ اضافہ کیا جا سکتا ہے۔
Author Profile
Latest Entries
جرائمنومبر 16, 2026چک جھمرہ، نشاط آباد: دو مبینہ مقابلوں میں تین ملزمان ہلاک- کارٹوننومبر 16, 2026فیصل آباد کارٹون: ابا، پیٹرول سستا، کرایہ وہی!
- کارٹوننومبر 16, 2026فیصل آباد کارٹون: ابا، کیمرہ دیکھ رہا ہے!
- ٹولزنومبر 15, 2026تنخواہ ٹیکس کیلکولیٹر
