اہم نکات:
- 15 پر ڈکیتی کی جھوٹی کال کرنے والا ملزم گرفتار
- ائیرپورٹ پولیس نے موقع پر تصدیق کی، ڈکیتی کا کوئی واقعہ نہ نکلا
- تھانہ ائیرپورٹ میں ٹیلی گراف ایکٹ کی دفعہ 29 کے تحت مقدمہ درج
فیصل آباد: 15 پر ڈکیتی کی من گھڑت کہانی سنانے والا ملزم گرفتار کر لیا گیا ہے۔ ائیرپورٹ پولیس نے موقع پر پہنچ کر تصدیق کی تو ڈکیتی کا کوئی واقعہ پیش ہی نہیں آیا تھا۔
پولیس کی طرف سے جاری ہونے والے ہینڈ آؤٹ کے مطابق ملزم صہیب نے 15 پر کال کر کے اطلاع دی کہ تین نامعلوم ملزمان نے اس کے ساتھ ڈکیتی کی ہے۔
ائیرپورٹ پولیس نے فوری موقع پر پہنچ کر تصدیق کی تو ڈکیتی والی بات درست نہ نکلی۔
ہینڈ آؤٹ کے مطابق ملزم بوگس اور جھوٹی کارروائی کروانا چاہتا تھا۔ ملزم کو گرفتار کر کے اس کے خلاف مقدمہ درج کر لیا گیا ہے۔
مقدمہ ایف آئی آر 915/26 تھانہ ائیرپورٹ میں ٹیلی گراف ایکٹ 1885 کی دفعہ 29 کے تحت اے ایس آئی عامر ظہور کی مدعیت میں درج کیا گیا۔
سی پی او فیصل آباد کے مطابق 15 ایمرجنسی سروس کا غلط استعمال کرنے والوں کے خلاف آہنی ہاتھوں سے نمٹا جائے گا۔
Author Profile
