اہم نکات:
- ملت روڈ پر سہولت آن دی گو بازار قائم کیا جا رہا ہے۔
- پھل، سبزیاں، چکن اور کریانہ کی اشیا ڈی سی ریٹ پر ملیں گی۔
- بازار جنوری 2027 میں مکمل کر لیا جائے گا۔
- یہ سائٹ کوڑا کرکٹ کے ڈھیروں کی آماجگاہ بنی ہوئی تھی۔
ملت روڈ پر سہولت بازار قائم ہو رہا ہے جہاں ضروری اشیا ڈی سی ریٹ پر ملیں گی۔
سرکاری ہینڈ آؤٹ کے مطابق، کمشنر فیصل آباد ڈاکٹر عمران حامد شیخ نے سہولت بازار اتھارٹی کے افسران کے ہمراہ موقع کا دورہ کیا ہے۔ انھوں نے شیڈز کی تیاری و دیگر تعمیراتی کام فوری شروع کرنے پر زور دیا ہے۔
کمشنر نے بتایا ہے کہ سہولت آن دی گو بازار وزیراعلیٰ پنجاب مریم نواز شریف کا منصوبہ ہے جس کا مقصد صارفین کو ڈی سی ریٹ پر اشیائے ضروریہ کی فراہمی یقینی بنانا ہے۔
بازار میں پھل، سبزیاں، چکن اور کریانہ کی اشیا ایک ہی جگہ کم قیمتوں پر دستیاب ہوں گی۔ بازار جنوری 2027 میں مکمل کر لیا جائے گا۔
فیصل آباد: غیر قانونی پیر و جمعہ بازار ختم، دکاندار سہولت بازار منتقل ہوں گےیہ سائٹ زیر استعمال نہ تھی اور گندگی و کوڑا کرکٹ کے ڈھیروں کی آماجگاہ بنی ہوئی تھی۔ علاقے میں تعفن پھیلا ہوا تھا اور شہری ابتر ماحول سے تنگ تھے۔
اس سائٹ کو اب سہولت بازار کے لیے بروئے کار لایا جا رہا ہے جس سے علاقے کی خوبصورتی میں اضافہ ہوگا اور اہلیان علاقہ کو سہولت ملے گی۔
کمشنر نے زور دیا ہے کہ بازار کو مقررہ مدت میں مکمل کرانے کے لیے تمام دستیاب وسائل بروئے کار لائے جائیں۔
Author Profile
Latest Entries
جرائمنومبر 16, 2026چک جھمرہ، نشاط آباد: دو مبینہ مقابلوں میں تین ملزمان ہلاک- کارٹوننومبر 16, 2026فیصل آباد کارٹون: ابا، پیٹرول سستا، کرایہ وہی!
- کارٹوننومبر 16, 2026فیصل آباد کارٹون: ابا، کیمرہ دیکھ رہا ہے!
- ٹولزنومبر 15, 2026تنخواہ ٹیکس کیلکولیٹر
