0

ملک بھر کے تعلیمی بورڈز کے ڈائریکٹرز سپورٹس کی تین روزہ تربیت مکمل

مطالعے کا وقت: 2 منٹ

اہم نکات:

  • کراچی میں انٹر بورڈز سپورٹس کمیٹی کے اراکین کے لیے تین روزہ ریفریشر کورس منعقد ہوا۔
  • ملک بھر کے تعلیمی بورڈز کے ڈائریکٹرز سپورٹس اور نمائندگان نے شرکت کی۔
  • سابق چیئرمین آئی بی سی سی غلام محمد ملہ نے شرکائ میں انعامات اور سرٹیفکیٹس تقسیم کیے۔

فیصل آباد بورڈ کے ڈائریکٹرز سپورٹس نے کراچی میں تین روزہ ریفریشر کورس مکمل کر لیا ہے۔

ڈی پی آر کے ہینڈ آؤٹ کے مطابق کورس میں ملک بھر کے تعلیمی بورڈز کے ڈائریکٹرز سپورٹس اور سپورٹس کمیٹی کے نمائندگان نے شرکت کی۔

کورس کا مقصد مختلف کھیلوں کے قوانین اور جدید کھیلوں کے تقاضوں سے آگاہی دینا اور مقابلوں کے انعقاد میں پیشہ ورانہ مہارتیں بہتر بنانا تھا۔

قومی اور بین الاقوامی سطح کے مستند آفیشلز نے نئے اور اپ ڈیٹ شدہ رولز کی تربیت دی۔ انھوں نے قواعد پر عمل درآمد، امپائرنگ، ریفری شپ اور شفاف انعقاد کے پہلوؤں پر روشنی ڈالی۔

چیئرمین تعلیمی بورڈ فیصل آباد پروفیسر ڈاکٹر رانا بنیامین کی ہدایات پر ڈائریکٹر سپورٹس (خواتین) میڈم نگہت نورین مظہر اور ڈائریکٹر سپورٹس (مردانہ) میاں محمد شکیل نے بورڈ کی نمائندگی کی۔

کورس کے اختتام پر سابق چیئرمین آئی بی سی سی غلام محمد ملہ نے کامیاب شرکائ میں انعامات اور سرٹیفکیٹس تقسیم کیے۔

ڈائریکٹرز سپورٹس نے کورس کو خوش آئند قرار دیتے ہوئے کہا کہ اس نوعیت کے تربیتی پروگرام پیشہ ورانہ صلاحیتوں میں اضافے اور جدید قوانین سے آگاہی کے لیے نہایت اہم ہیں۔

انھوں نے کہا کہ قوانین میں تبدیلیوں سے آگاہی کے ذریعے تعلیمی اداروں میں کھیلوں کے مقابلوں کو زیادہ منظم، شفاف اور معیاری بنایا جا سکتا ہے۔

انھوں نے چیئرمین کی جانب سے کھیلوں کے فروغ اور سپورٹس ڈیپارٹمنٹ کی پیشہ ورانہ استعداد کار بڑھانے کے لیے فراہم کردہ رہنمائی اور تعاون کو بھی سراہا۔

Read in English

Author Profile

Staff Report
Staff Report
Emotion Map:
0 0 votes
Article Rating
Subscribe
Notify of
guest
0 Comments
Oldest
Newest Most Voted
↑