اہم نکات:
- سٹی جھنگ پولیس نے جمعرات کو ملت کالونی میں پتنگوں کی فیکٹری پر چھاپا مارا۔
- پولیس نے 700 پتنگیں، 1050 پتنگ کاغذ اور دیگر سامان برآمد کیا۔
- ایک ملزم گرفتار ہوا، اس کا ساتھی فیکٹری کی پچھلی دیوار سے فرار ہو گیا۔
- پتنگ بازی ایکٹ 2025 کے تحت مقدمہ درج کر لیا گیا ہے۔
سٹی جھنگ پولیس نے ملت کالونی میں پتنگ فیکٹری پر چھاپا مارا، 700 پتنگیں برآمد کر لیں۔
ایف آئی آر کے مطابق اے ایس آئی کلیم خان ٹانگہ اڈا پر گشت کر رہے تھے کہ مخبر نے اطلاع دی کہ دو افراد نے ملت کالونی میں پتنگ فیکٹری قائم کر رکھی ہے اور بڑے پیمانے پر پتنگیں فروخت کر رہے ہیں۔
پولیس نے فوری طور پر فیکٹری پر چھاپا مارا۔ ایک شخص پولیس پارٹی کو دیکھ کر فیکٹری کی پچھلی دیوار سے فرار ہو گیا، جبکہ دوسرا گرفتار کر لیا گیا۔
فیصل آباد: خونی کھیل میں ملوث 12 ملزمان پولیس کے شکنجے میںفیکٹری کے کمرے کی تلاشی پر 700 تیار پتنگیں، 1050 پتنگ کاغذ، 100 سجاوٹی چھپے کاغذات اور 300 عدد کاتیاں پائس برآمد ہوئے۔ برآمد شدہ سامان ایک بڑے سفید پلاسٹک کے تھیلے میں ڈال کر پولیس نے قبضے میں لے لیا۔
ایف آئی آر میں کہا گیا ہے کہ گرفتار ملزم نے اپنے ساتھی کے ساتھ مل کر پتنگیں بنانے اور فروخت کرنے کا اعتراف کیا۔ پنجاب ریگولیشن آف کائٹ فلائنگ ایکٹ 2025 کی دفعات 3 اور 4 کے تحت مقدمہ درج کر لیا گیا ہے۔
ایف آئی آر تھانہ سٹی جھنگ میں جمعرات کی دوپہر درج کی گئی۔ تفتیش جاری ہے۔
Author Profile
